නමක් සොයන කතාවක් - 02 (ඔවුන්ගේ සංස්කරණය නොකල ජීවිත කතාව)

3

රුවන්ති මොකටද දන්නෑ මගේ මොබයිල් එකට අරං තිබුණේ. පුතු හරි ශීලා හරි දැනගත්තොත් ගිය සතියේ රුවන්ති මට කෝල් කලා කියලා මට විසුමක් වෙන්නෑ. Definitely ශීලා මගේ කෙස් ගහෙන් ගහ ගලවනවා. ඒත් ඉතිං මං කියලා මොනවා කරන්නද? මම දන්නවය ඒ කතා කලේ රුවන්ති කියලා. රුවන්ති කියලා දන්නවා නම් මම කීයටවත් මොබයිල් එක ආන්ස්වර් කරන්නෑ කියලා ශීලා හොදටම දන්නවනෙ.

ඒ අස්සේ නුවර එළියේ ටි‍්‍රප් එකක් යන්න දාගෙන. කොහොම කරන්නද කියලා මට නම් තේරෙන්නෑ. අනික් මේ සීසන් එක. හොටෙල් එකෙන් එනවා කියන්නේ හීනයක්. ටේ‍්‍රන් එකේ යන නිසා Definitely, Full Fantastic Journey එකක් වෙයි. මොනව කරන්නද, එහෙම උනොත් ශීලටයි, පුතූටයි යන්න කියනවා. Next Year එකේ January පුතුට සතියක් විතර නිවාඩු ගන්න කියලා අපි තුන්දෙනා පොඩි රවුමක් දාලා එනවා.

පුතූට කිවොත් නම් කියයි මොකක්ද මේ... ආහ්., ‘සිත නිවන කතා’

තම පුතුගේ කටකාර දෙපිට කැපෙන කතා මතක් උනෙන් රවීන්ද්‍ර සපුමල්ගේ මුවට සිනාවක් නැගුනේ ඔහුටත් නොදැනීම. දක්‍ෂ ව්‍යාපාරිකයකු මෙන්ම දක්‍ෂ කළමණාකරුවකු වන රවීන්ද්‍ර සපුමල් තම මනස ව්‍යාපාරය වෙනුවෙන් යොමු කල හෙයින් මා ඔහුගේ සිතිවිලි දාමයෙන් ඉවත්ව ඇයගේ නිවස දිශාවට, ගයා ශී‍්‍ර ගේ නිවසට.

4

ඔහ්. ලස්සන හිංදි සිංදුවක්, නියම වෙලාවට තමයි මමත් ඒ පැත්තට ඇවිල්ලා තියෙන්නේ. අම්මයි දුවයි දෙන්නා හිංදි ෆිල්ම් එකක් බලනවා. දෙන්නම හරිම උවමනාවෙන් තමයි බලන්නෙ.

පොඞ්ඩක් ඉන්න, පොඞ්ඩක් ඉන්න....

මට ගයා ශ‍්‍රී ගේ මූණෙ යම් අමුත්තක් තේරෙනවා. එයා මොකක් හරි ප‍්‍රශ්ණයක් ඩොක්ටර් අශෝකා ජෙරම්ස් ගෙන් අහන්න හදනවා හදනවා වගේ. නැතිනම් මොකක් හරි දෙයක් ගැන අහස පොලව ගැටගහන්න වගේ කල්පනා කරනවා. මොකක් වෙන්න ඇතිද...

ම්ම්ම්ම්ම්.................

ඔහ්.., සිරාවටම මම වගේ මංඤ්ඤං ඩයල් එකක්. ඇයගේ සිතිවිලි වලට ඇතුලූ වෙන්න පුලූවන් කම තියාගෙනනේ මේ තරම් ලත වෙන්නේ. බලමු ඇගේ සිතිවිලි වලට එබිල.

අයියෝ..... අනිද්දා ටි‍්‍රප් එක යන්න අරය ජෝඩු දාලා ඒවිද දන්නෑ. එහෙම උනොත් දෙන්නගේ ලව් එක බල බල තමයි ඉන්න වෙන්නෙ. අනෙහ්. මට මොකද කවුරු කොහොම ආවත්, මගේ කවුද, මම මගේ පාඩුවේ ටි‍්‍රප් එක එන්ජෝයි කරනවා. පාලූ හිතුනොත් කියවන්න හොද පොත් දෙකකුත් අරං යන්න  ඕනි. අම්මිලා අම්මිලාගේ යාලූවෝ එකක් ෆන් එකේ යනකොට නැතිනම් මටයි පාලූ. තව අපේ වයස් වල අය කවුරු යනවද දන්නෙත් නෑනේ. අම්මිට පොඩි වචනයක් දාලා බලන්නත් හිතෙනවා. ඒත් බයයි බයයි වගේ...

අම්මී... දැන් අපිට අනිද්දා කීයටද Train එක තියෙන්නේ.

ම්ම්ම්ම්.....

අපිට අනිද්දට Train එක කීයටද තියෙන්නේ.

ඇයි ළමයෝ.. මොන ලෝකෙද ඉන්නේ... මම ඔයාට කී සැරයක් කීවද ? අටේ බදුලූ ටේ‍්‍රන් එකේ යන්නේ කියලා.
අයියෝ.... ඉතිං...  ඕක ඔච්චර සැරෙන් කියන්න  ඕනිද. අම්මි හරි නපුරුයි. මට නිතරම සැර කරවා.

ඔව් ඔව් දැන් මම තමයි නපුරු...

අනේ ඉතිං., ඔන්න මූන එල්ල ගත්තා. මගේ සුදු අම්මිට මං ගොඩක් ආදරෙයිනේ.
හරි හරි.. දැන් කවුද තව යන්නේ එදාට...

ම්ම්ම්... ශීලා ආන්ටියි පුතයි, කමලා ආන්ටියි, අර කැන්ඩි හොස්පිට්ල් එකේ හිටිය ඩොක්ටර් ශිවන්තියි එයාගේ අම්මයි, ශ‍්‍රීයානි ආන්ටියි.

අම්මෝ... සේරම ලේඩිස්ලනේ. කවුරු හරි මාව උස්සන් යන්න එහෙම ආවොත් ඔයාලට උඩබලන් තමයි ඉන්න වෙන්නේ. බයෙත් බෑ.

ඇයි බය වෙන්නේ. ශෂීන්ද්‍ර පුතත් යනවනේ.

ආහ් ඔව්මයි. ඒත් එයාට අනික් අයව පරිස්සම් කරන්න වෙලාවක් නැති වෙයි. එයා Engaged වෙච්ච අක්කිත් එකක්නේ එනවා ඇත්තේ. ශෂී අයියට ගුටි කන්න වෙයි ඒ අක්කිගෙන් මාව පරිස්සම් කරන්න ගිහින්. මම ඒ අක්කිව දැකලත් නෑ..

ඇයි අම්ම්...

මුකුත් නෑ...

මුකුත් නැති වෙන්න විදියක් නෑ. ඇයි අම්මි මගේ දිහා අමුතු විදියට බැලූවේ.

මම ඔයාට කිවේ නැද්ද ඒ කතාව.

මොන කතාවද අම්මි.

ශෂීන්ද්‍රගේ...

ඇයි අම්මි ශෂින්ද්‍ර අයියට මොකද වෙලා තියෙන්නේ...

අම්මගෙයි දුවගෙයි කතාබහෙන් චුට්ටක් මිදිලා මම යනවා අශෝකා ජෙරම්ස්ගේ, ගයා ගේ මවගේ සිතිවිලි තුලට.

ම්ම්ම්... මොකද කරන්නේ... ශෂීන්ද්‍රගේ කතාව දෝනිට කියනවද නැද්ද.... දැන් කොහොම උනත් ඉස්සර අපේ දෝනිගේ හිතේ ශෂීන්ද්‍ර ගැන අදහසක් තිබුනා කියලා මම හොදටම දන්නවනේ. අනේ මංදා.. ඔන්න ඔහේ කියලා දානවා. කවදාකම හරි දැනගනිවිනේ. මම ම දෝනිට කියලා දානවා.

අශෝකා ජෙරම්ස් ගේ කැලඹුණු මනසෙන් ඉවත් වෙලා, මේ වෙලාවේ හැටියට කරන්න තියන හොදම දේ ගයා ශ‍්‍රී ගේ සිතිවිලි වලට ඇතුලූ වෙන එක. බලමු ගයා මොනවද හිතන්නේ කියලා

My God.. එයාට මොකක්ද වෙලා තියෙන්නේ. ඒ දෙන්නා අතර මොකක් හරි ප‍්‍රශ්ණයක් වත් වෙලාද, කරදරයක්... අනේ දෙවියනේ.. එහෙම දෙයක් නම් වෙන්න එපා. එයා හැමදාම සතුටෙන් ඉන්න  ඕනි.

අම්මාගේ සහ දුවගේ සිතිවිලි යකාගේ කම්මලට දෙවනි නැති නිසා දෙදෙනාගේම සිතිවිලි වලින් ඉවත්ව මා දෙදෙනාගේ සංවාදය දෙසට යොමු වෙනවා ආයෙමත්,

ශෂීන්ද්‍රගේ Registration එක කැන්සල් කරලා

මොකක්ද අම්මි කිවේ..

ඔව් පුතේ. ශෂීන්ද්‍රගේ රෙජිස්ටේ‍්‍රෂන් එක කැන්සල් කරලා. ඒ කෙල්ලට වෙන සම්බන්ධයක් තිබිලා කොල්ලගේ අතටම අහුවෙලා. ඉතිං ඩිවෝස් කරලා දාලා. පහුගිය ටිකේම කොල්ලා ගොඩක් අප්සට් එකේ හිටියේ. දැන් තමයි ටිකක් හරි නෝමල්...

දෙවියනේ ඇයි අම්මි ඒ.. ඇයි ශෂී්න්ද්‍ර වගේ කෙනෙක්ට එහෙම ඒ අක්කි කරලා තියෙන්නේ. පව් අම්මි. ශෂීන්ද්‍ර නරක කෙනෙක් නෙමෙයිනේ.

මොනවා කරන්නද දුව.

කතාව දුර දිග ගෙනියන්න අකමැත්ත නිසාදෝ අශෝකා ජෙරම්ස් සාලයෙන් පිටව යද්දී මා  නැවතත් ගයා ශ‍්‍රී ගේ සිතිවිලි තුලට ඇතුලූ වෙනවා. ඇත්තටම මේ මොහොතේ  ඇය මොනවා සිතමින් ඇත්ද..,

දෙවියනේ... ඇයි එයාට එහෙම දෙයක් උනේ. ඇයි ඔබ වහන්සේ එයාට එහෙම කලේ. එයා එහෙම දුකෙන් තියන්න  ඕනි කෙනෙක් නෙමෙයිනේ. ඒ දෙන්නා ආදරේ කරපු දෙන්නෙක් නේද. ඇයි එහෙම දෙන්නෙක්ට එහෙම කලේ. ඔබ වහන්සේ එයාව මට දුන්නෙත් නෑ. බලන්න දැන් එයා දුකෙන්. මට දුන්නා නම් මම කවමදාකවත් එයාට මම එහෙම කරනවද, වෙනකෙනෙකුට දුන්නා. හරිනේ දැන්.

ගයා ශ‍්‍රී ගේ කැලඹුනු සිතිවිලි දාමයෙන් ඉවත්ව මා, ශෂින්ද්‍රගේ නිවස වෙත ගමන් කරනවා. සුපුරුදු විදියටම ශීලා ඉස්තෝප්පුවේ ඇති හාන්සි පුටුවට වෙලා පොතක් බලනවා. එඞ්ගර් රයිඞ් හැගාඞ් ගේ ශී. හරිම නිස්කලංක පරිසරයක්. එතකොට ඔහු,.... ආහ්. මේ ඉන්නේ ඇදට වෙලා බර කල්පනාවක් දාගෙන.

මා ප‍්‍රථම වතාවට, ඔව් ප‍්‍රථම වතාවට ඔහුගේ සිතිවිලි වලට ඇතුලූ වෙනවා. බලමු ඔහු මොනවද අහස පොලව ගැටගහන්න වගේ කල්පනා කරන්නේ කියලා.

ශිට් මේක නම් මහ කරුමයක් අප්පා. එපා වෙනවා. ආයේ හෙට වැඩට යන්න හිතෙනවා. ඒත් අම්ම යන්න දෙන්නේ නෑ බඩු ෂුවර්. අම්මා කොච්චර කියවලා කියවලාද මාව ටි‍්‍රප් එක යන්න ගෙන්න ගත්තේ. අම්මා පව්. මම නිසා එයත් දුක් විදිනවා. එයා ඒක නොපෙන්නුවට මම දන්නවා මම නිසා අම්මා වොරි වෙනවා.

ඇත්තටම ඇයි රුවන්ති මට මෙහෙම කලේ. මම මොන වරදක් කලාටද, මම ඇත්තටම එයාට ගොඩක් ආදරේ කලා. කමක් නෑ.. මට නැති උනේ මට ආදරේ නොකරපු, මට වංචාවක් කරපු කෙනෙක්, ඒත් එයාට නැති උනේ එයාට ගොඩක් ආදරේ කල කෙනෙක්. එයා කොහොමද රෙජිස්ටර් කරලා තියෙද්දිත් වෙන කෙනෙක් එකක් Affair එකක් පටන් ගත්තේ. මට කොච්චරක් නම් ජරා කතා කිව්වද. කමක් නෑ.මගේ හිතේ දැන් උඹ ගැන වෛරයක් නෑ. තියෙන්නේ පිළිකුලක් විතරයි. මට මට මං ගැනත් පිළිකුල් උඹ නිසා. උඹ වගේ කෙනෙක්ට ආදරේ කර එක ගැන, මගේ පවුලට කලූ පැල්ලමක් ඇතිවෙච්ච එක ගැන. 

නමක් සොයන කතාවක් - 01 (ඔවුන්ගේ සංස්කරණය නොකල ජීවිත කතාව)

මම කියන්න හදන කතාව ඔහුගෙයි ඇයගෙයි, ඔහු සහ ඇයගේ වටේ ඉන්න කට්ටියගේ කතාව. 

හැබැයි මේ කතාවේ කතා නායකයා ඔහු නම් නෙවෙයි, 

නිසැකවම ඇයත් නෙවෙයි. 

එහෙනම් වටේ ඉන්න අයද. 

නෑ ඒ අයත් නෙවෙයි.

එහෙනම් කවුද මේ කතාවේ කතා නායකයා. වෙන කවුරුවත් නෙවෙයි ඒ මම. මොකද කියනවා නම් මේ කතාවේ ඔහු, ඇය, අනෙකුත් පිරිස සිටියත් කතාව ඔබලාට කියන්නේ මම නිසා මේ කතාවේ කතා නායකයා මම ලෙස මා ඔබට හදුන්වා දෙනවා.

කතාව දිහාට හැරෙන්න කලිං මම හදුන්වා දෙන්නම් ඔහු සහ ඇය.

ඔහු. වයස අවුරුදු 28 ක් විතර වෙන, වෘත්තියෙන් පරිගණක ඉංජිනේරුවෙක්. පවුලේ ඉන්න එකම දරුවා ඔහු. ඔහුගේ අම්මා මේ වෙනකොට විශ‍්‍රාම සුවයෙන් කාලය ගතකරන වෛද්‍යවරියක්. එතකොට ඔහුගේ පියා තරු පහේ හොටෙල් එකක කළමණාකරුවෙක්. අපි ඔහුට ෂශින්ද්‍ර කියලා කියමු. මුදලිගේ ෂශීන්ද්‍ර සපුමල් විතාරණ. ඔහුගේ මව සීතාවක මුදියන්සේලාගේ ශීලා වික‍්‍රමතුංග. ඔහුගේ පියා.මුදලිගේ රවීන්ද්‍ර සපුමල් විතාරණ.

එතකොට ඇය. වයස අවුරුදු 26 ක් විතර වෙන, ලංකාවේ ප‍්‍රමුඛ ජංගම දුරකතන සමාගමක තාක්‍ෂණ ශිල්පිණියක්. නම, ගයා ශ‍්‍රී, ගයා ශ‍්‍රි ඉඳුනිල් ෆර්නෑන්ඩස්. දරුවෝ 4ක් ඉන්න පවුලක බඩපිස්සි. ඒ කියන්නේ පවුලේ බාලයා. ඇයගේ මව අශෝකා ජෙරම්ස්. ඇයත් ඔහුගේ මව මෙන්ම වෛද්‍යවරියක්. අවාසනාවකට ඇයගේ පියා නම් ජීවතුන් අතර නෑ.

හදුන්වාදීම මදකට නවතා කතාව දෙසට හැරෙන්නම්, ඒ කියන්නේ ඇයගේ පවුලේ ඉතිරි දෙදෙනා ගැන සහ අනෙක් චරිත ගැන මගේ නොවන මගේ කතාව ගලාගෙන යන අතර කියන්නම්. අවශ්‍යතාවයක් මතු උනොත් විතරක්...

තව ටිකෙන් අමතක වෙනවා විශේෂිතම දේ. මේ කතාව ලියන මට තියනවා දෙවියන් වහන්සේගෙන් ලැබුණ සුවිශේෂි වරයක්. මා හට හැකියාව තිබෙනවා මේ කතාවේ සිටිනවුන්ගේ සිතිවිලි වලට ඇතුලූ වීමට සහ ඔවුන්ගේ ආත්මයන්ට ඇතුලූ විමට. ඉතිං දෙවියන්ට මගේ ස්තුතියත් එක්කම කතාව පටන් ගන්නවා.

1

කතාව පටන් ගන්නවා කියලා කිව්වට ආරම්භයක් හිතා ගන්න බැරි අවුල් ජාලයක් වෙලා මේ කතාව. මෙච්චර කියපු එකේ මූලාරම්භය විදියට මම ඇතුලූ වෙනවා ඇයගේ සිතිවිලි වලට. ඔව් ගයා ශ‍්‍රී ගේ ආත්මයට.

ෂිහ්, අම්මිලා එකක් නුවර එළියේ ටි‍්‍රප් එක යන්න එන්නම් කියලා ප්‍රොම්ස් උනාට මොකද දැන් නම් යන්න බෑ බෑ වගේ. නැ එක්කෝ ඔන්න ඔහේ ගිහිල්ලා එනවා ටේ‍්‍රන් එකේ යන නිසා අලූත් දෙයක් වෙයි. එත් අම්මි කියපු විදියට නම් ගොඩක් දෙනෙක් යන්නෑ වගේ. කවුරු ගියත් මට මොකද.

ඒත් ශීලා ආන්ටි, දෙවියනේ. එතකොට එයත් එනවද. නෑ.. නෑ.. නෑ.. එයා එන එකක් නෑ. ශිලා ආන්ට් අංකල් එකක් ඒවි. එයා කොයි වෙලාවේ බැලූවත් වැඩ වැඩ වැඩමනේ. අනික එයා ආවත් මට මොකද, එයා මගේ කවුද, එයා දැන් වෙන කෙනෙක්ගේ වෙලා ඉවරයිනේ. මම මගේ පාඩුවේ යනවා.

චූටි... චූටි... මේ ළමයා මොන ලෝකෙ ඉන්වද මංදා.

සමාවන්න. මම මේ මොහොතේදී ඇයගේ සිතිවිලි වලින් හා ඇයගේ ආත්මයෙන් සුලූ මොහොතකට ඉවත් වෙනවා. මොකද ඔබට, මට හා සියලූදෙනාටම සේම ඇයටත් ඇගේම පෞද්ගලිකත්වයක් තිබෙන නිසා.

ඇයි අම්මි.... මම බාත් රූම් එකේ. ඉක්මනට වොෂ් එකක් දාගෙන එන්නම්.

ඉක්මනට එන්න ළමයෝ. මේ ඔයාගේ කිරි එක නිවෙනවා. ඉක්මනට ඇවිත් බොන්න. මොනවා කරනවද පැය ගානක් වොෂ් රූම් එකට වෙලා.

කරන්ඩ දෙයක් නෑ. මා නැවතත් ඇයගේ සිතිවිලි වලට ඇතුලූ වෙනවා.

ඔහ් මයි ගෝඞ්. මම එච්චර වෙලා වොෂ් රූම් එකේ හිටියද. වෙලාව ගියා තේරුනේ වත් නෑ. ෂිට්. කොහේවත් ඉන්න මෝඩයෙක් නිසා නිවාඩු දවදේ උදේ පාන්දර අම්මිගෙන් බැනුම් අහන්ඩ උනා. ඒකා දැන් අරයත් එක්ක කොහේ හරි රවුමක් ගහන්න යන්න ලෑස්ති වෙනවා ඇති. මම නිකං බොරුවට අම්මිගෙන් බැණුම් ඇහුවා.

2

හරි. දැන් මම ඇයගේ ආත්මයෙන් සහ සිතිවිලි වලින් ඉවත් වෙලා ඇතුලූ වෙනවා ඩොක්ටර් ශීලා ගේ ඒ කියන්නේ, ඔහුගේ, සරලවම කියනවා නම් ශෂීන්ද්‍රගේ මවගේ සිතිවිලි සහ ආත්මය තුලට.

ඇය සෙමින් සෙම්න් නිවසේ ඉහලමාලය වෙත පියනගනවා තම පුත‍්‍රයා උදේ ආහාර ගන්න පහලට ආවේ නැත්තේ ඇයිද බලන්න. සෙමින් තම පුතුගේ කාමරයේ දොර විවර කරන ඇය දකින්නේ තවමත් සුව නින්දේ සිටින තම එකම පුතු. ඔහුව දකින ඇය ගේ නෙතට කඳුලක් නැගෙන්නේ ඇයටත් නොදැනීම.

දෙවියනේ කොහොමට ඉන්න  ඕනි දරුවෙක්ද. කොහේවත් ඉන්න නගරං කෙල්ලක් නිසා වේදනා විදින්නේ. හිනාවෙලා පිස්සු නටලා හිටියට මේකාගේ හිත ඇතුලේ කොයි තරම් නම් වේදනාවක් තියනවද? මොන කරුමයක්ද මගේ අහිංසක කොල්ලට පඩිසන් දුන්නේ. අර අම්මණ්ඩිලාට නම් හොදක් වෙන්නෑ. මගේ කොල්ලාගේ ජිවිතේ කන්න හැදුවට.

සමාවන්න. ඩොක්ටර් ශීලාගේ සිතිවිලි ගොඩක් දරුණු වෙලා උදේ පාන්දරම. ඇයගේ තත්ත්වයට හා සමාජ මට්ටම සමග ඇයගේ සිතිවිලි මේ මොහොතේ නොගැලපෙනවා වෙන්ඩ පුලූවන්. නමුත් මා දන්නවා ඇයගේ දරුණු සිතිවිලි නිදොස් වග. එය ඇයගේ දාරක මව් සෙනෙහස බව මම නොබියව ඔබට ප‍්‍රකාශ කර සිටිනවා.

පුතූ.... පුතූ... නැගිටින්න. බලන්න ඔයා කිරි එක වත් බීලා නෑනේ. 10 ටත් ළගයි දැන්.

හයියෝ.... මොනාද අම්මා... ගෙදර ආපු දවස් ටිකේ වත් පොඞ්ඩක් නිදාගන්න දෙන්නකෝ.

බලන්න දැන් 10ත් වෙලා. නැගිටලා චොෂ් එකක් දාලා කෑම කාල නිදියන්න. ඔහොම දවල් වෙනකම් නිදාගන්නවද තරුණ කොල්ලො උනාම.

නිදා ගන්නවා ඇරුණාම මොනා කරන්නද අම්මා. අම්මා පහලට යං. මං වොෂ් එකක් දාගෙන එන්නම්.

හ්ම් හ්ම්... එන්නකෝ වොෂ් දාගෙන එහෙනම්. මමත් තාම කාලා නෑ. මටත් බඩගිනියි.

අම්මා මොකට බඩගින්නේ ඉන්නවද. කාලා බීලා ෂපාන් එකේ ඉන්නකො. මොනවයින් අඩුවක්ද..?

හරි හරි පණ්ඩිතකං නැතිව නාගෙන එනවා ඉක්මනට.

ඇය තම පුතුගේ කාමරයෙන් පිටවන්නේ හදවතට දැණුන දුක වේදනාව අහිංසක හිනාවකින් යටපත් කරගෙන. ඇයට තම පුතුගේ අනාගතය ගැන මහ අමුතුම බියක් දැනුනෙන් නැවතත් දෑස් කෙවෙනි තෙත් උනේත්, රුවන්ති කෙරෙහි කෝපයක් සිත පිළිසිඳගත්තේත් ඇයටත් නොදැනීම. මා නැවතත් ඔබට පවසා සිටිනවා වෛද්‍ය ශිලාගේ කෝපය දාරක මව් ස්නේහයේ ප‍්‍රථිඵලයක් බව.

දැන් ඔබට ඇති ගැටළුව රුවන්ති බව මම දන්නවා. ඒත් ඒ ප‍්‍රශ්ණයට තාවකාලික පිළිතුරක් ඔබටම සපයා ගැනීමට ඉඩ හැර මා රවීන්ද්‍ර සපුමල්, වෙනත් විදියකය කියනවා නම් ශෂීන්ද්‍රගේ පියාගේ සිතිවිලි දාමය වෙත ඇතුලූ වෙනවා.