Pages

Monday, February 13, 2017

දුක යනු..

එකටම ඉන්න එවුන්
අපිටම ඇරීමයි.

කමක් නෑ
එවුන්ට හොදින් හොදම වෙන්න ප‍්‍රාර්ථනා කරනවා

හුදෙකලා
2017-02-13

Tuesday, January 3, 2017

මං පාඩුවේ ඉන්නම්.


එනවා දන්නෙත් නෑ
යනවා දන්නෙත් නෑ
මං හරිම බයයි උඹට,
ආදරය..


හුදෙකලා
2017.01.03



Saturday, December 3, 2016

මට නම් රිදෙන්නෑ....



කවුද මංදා කීවා...
ගැහැණියට ගරු කරපං
උඹේ අම්මත් ගෑණියෙක් නේද කියලා...?

ඒත් මට හිතුනේ...
ගලින් අඹපු බුදු පිළිමෙට 
වැන්දට,
ගරු කලාට...
ගලින් අඹපු දෙවියන් වහන්සේට 
වැන්දට,
ගරු කලාට...
ඇයි නිකං කලු ගල් වලට වදින්නේ...?


හුදෙකලා
2016.12.03



Thursday, December 1, 2016

අතීතය...


අතීතය...
මම උඹට වෛර කරන්නෑ...
ඒත් උඹ මට
ගොඩක් රිද්දනවා.
ටිකක් නෙවෙයි ගොඩක්.
කමක් නෑ...
කොහොමත් ඒ උඹගේ හැටිනේ...
මොනවා උනත්
උඹත් දන්නවා ඇති,

තැලෙන්න තැලෙන්න
මුවහත් වෙනවා කියලා...


හුදෙකලා
2016.12.01




Tuesday, November 15, 2016

විකිනීමට ඇත | For Sale.


විකිනීමට ඇත,
Second hand හදවතක්..
Lifetime වොරන්ටියක් එක්ක...

ඒකත් එක්කම,
හීන...
බලාපොරොත්තු...
නොමිලේම.


හුදෙකලා 
2016.11.16

Monday, November 14, 2016

අපි හරිම අවස්ථාවාදියි නේද සර්...





මාස්ටර් සර්
ඔබතුමා මීට සතියකට විතර කලිං
අපෙන් සදහටම යන්න ගියා
මතකයක් විතරක්ම ඉතිරි කරලා...
ඔබතුමාගේ නික්ම යෑම,
හොද අවස්ථාවක් උනා...
සමහරක්ට,
තමන්වම ප‍්‍රමෝට් කරගන්න.
එත් දැන්...
අමරදේව කියලා කෙනෙක් හිටියද,
කිසිම නිනව්වක් නෑ...
ඔබතුමා යන්නම යන්න ගිය දවස් ටිකේ
දවසට විසි තිස් ගමනක් ඔබතුමාගේ සිංදු ඇහුණා,
රේඩියෝ එකේ...
ටීවී එකේ...
මේ වෙනකොට බෙහෙතකට වත්
ඇහෙන්නෑ
ඔබතුමාගේ ගීතයක්...
අපි හරිම අවස්ථාවාදියි නේද සර්...


මට මතකයි...
මං පුංචි කාලේ කිවා ලස්සන සිංදුවක්...
‘‘රත්න දීප ජන්ම භූමි, ලංකා දීප විජය භූමි’’

එදා දැනං හිටියේ නෑ...
මං ඒ කට උල් කර කර කියන් සිංදුව,
ඔබ තුමාගේ සිංදුවක් බව...
පුංචි කාලේ ඉදං ගායනා විලාසයට ආස උනා...
අද වෙනකම්ම...
ඉදිරියටත් ඔබතුමාගේ ඒ ගායනා විලාසයට මම ආස කරාවි...
ලේසියෙන් ඇස් වලින් කදුලක් වැටෙන්නැති
මගේ ඇස් වලින්
ඔබතුමා කඳුලක් වැට්ටුවා...

ගුරු දේවයිනි
ඔබට අජරාමර නිවන් සුව


හුදෙකලා
2016.11.14

Sunday, November 13, 2016

දන්නා කෙනෙක්ගෙන් අහලා දැනගනිං..


උඹ හිතුවේ මම වැටුණා කියල නේද
ඔව්
උඹ හරි
මම වැටුණා
වැටුණා කියන්නේ අන්තෙටම වැටුණා
කමක් නෑ,
මමනේ වැටුණේ...

උඹ අහලා තියනවද
ෆීනික්ස් කුරුල්ලාගේ කතාව
අහලා තියනවා නම්,
අන්න ඒ කතාව මතක් කරගනිං...
අහලා නැත්නම්,
දන්නා කෙනෙක්ගෙන් අහලා දැනගනිං..


හුදෙකලා
2016.11.13